Оқиға
Сыртынан жауып кеткен: полицей әйел өрт шыққан пәтердегі төрт баланы құтқарды
Өрт сөндірушілер есікті бұзып, пәтерден 6, 4, 2 жастағы балаларды және 5 айлық сәбиді алып шыққан
Семей қаласының кәмелетке толмағандардың істері жөніндегі учаскелік аға инспекторы төрт баланы өрттен құтқарды, деп хабарлады Шығыс Қазақстан облысы полиция департаментінің баспасөз қызметі.
Оқиға 28 қазанда Қарағайлы тұрғын ауданындағы пәтерлердің бірінде болған. Розетканың қысқа тұйықталуы орын алып, тұрғын үй түтінге көмілген. Онда көп балалы отбасы тұрып жатқан. Өрт кезінде жас балалардың жанында ересектер болмаған.
