Дүрбелеңге салынбаңыз: Нұр-Сұлтанда мектепте не болып жатыр
Елордадағы №29 мектепте жоспарланған оқу-жаттығу өтіп жатыр. Полиция бұл аумақта көлік қозғалысы шектелуі мүмкін екенін ескертті
Нұр-Сұлтанда терроризммен күрес жөніндегі жедел штаб «Нұр-Сұлтан-Антитеррор-2021» оқу-жаттығуын өткізіп жатыр.
Горький көшесі, 22 мекенжайында орналасқан №29 орта мектептің аумағындағы оқу-жаттығу бүгін сағат 8:00-де басталды, ол 13:00-ге дейін жалғасады.
«Іс-шараның мақсаты – білім беру ұйымдарында терактіні жою дағдыларын тәжірибе жүзінде қолдану», — деп хабарлады Нұр-Сұлтан полиция департаментінің баспасөз қызметі.
Оқу-жаттығулар жауынгерлік жағдайларға барынша жақындатылғаны аталып өтті.
«№29 орта мектептің аумағында көлік қозғалысын шектеу шаралары қарастырылған», — деп толықтырды полиция.
Тәртіп сақшылары астаналықтарды өткізіліп жатқан іс-шараға түсіністікпен қарауға, қауіпсіздік шараларын сақтауға және мемлекеттік органдар қызметкерлерінің заңды талаптарын орындауға шақырды.
Оқи отырыңыз:
- «Миллиондаған шығынды өтейсіз»: полиция ата-аналарға ескерту жасады
- Ақтөбеде белгісіз біреу тағы бір мектепке «бомба қойды»
- Ақтөбеде 6 мектепте салтанатты шара тоқтатылып, адамдар қауіпсіз жерге шығарылды
